Medic Alert öryggiskerfi

MedicAlert er alþjóðlegt öryggiskerfi fyrir sjúklinga með langvarandi eða bráða sjúkdóma.



MedicAlert veitir öryggi gegn mistökum eða töf á réttri meðferð hjá sjúklingum ef þeir verða meðvitundarlausir eða af öðrum ástæðum ófærir að gera grein fyrir veikindum sínum.

Þríþætt öryggiskerfi

Málmplata

Málmplata með merki MedicAlert á annarri hliðinni, en sjúkdómsgreiningu og meðferð merkisberans á hinni hliðinni. Einnig er einkennisnúmer hans hjá MedicAlert skráð og 800 símanúmer vaktstöðvarinnar. Svarað er í símann allan sólarhringinn og hægt að hringja hvaðan sem er úr heiminum. Málmplötuna er hægt að fá sem armband eða hálsmen. Einnig er boðið uppá merkisem hægt er að setja á snjallúr.


Veskisspjald

Veskisspjald Á það er skráð einkennisnúmer viðkomandi hjá MedicAlert, nafn og símanúmer aðstandanda og tveggja lækna sem stunda merkisberann. Einnig er skráð sjúkdómsgreining og mikilvæg lyfjameðferð. Hægt er að fá hulsu utan um merkisspjaldið sem er með frönskum rennilás og tilvalin til að festa á öryggisbelti eða tösku.


Vaktstöð

Lýsingar sem merkisberi lætur skrifstofu MedicAlert í té í umsókn eru varðveittar í sérstakri vaktstöð á Landspítala háskólasjúkrahúsi. Þangað má hringja allan sólarhringinn, merkisbera að kostnaðarlausu (grænt númer) hvaðan sem er úr heiminum, til að fá nauðsynlegar upplýsingar um sjúkdóm eða meðferð merkisberans.

Hvernig gerist ég félagi í Medic Alert

Fyllið þarf út umsókn sem er að finna bæði í bæklingi og á heimasíðu MedicAlert Komið með eyðublaðið eða sendið á skrifstofu MedicAlert að Hlíðasmára 14, 201 Kópavogi.


Nánari upplýsingar fást á vefnum medicalert.is

Dæmi um áletranir á merki og nafnspjöld

Sjúkdómar

  • DIABETES MELITUS TIPE 1 (sykursýki 1)
  • EPILEPCI (flogaveiki)
  • HEMOPHILIA (dreyrasýki)
  • ASTHMA
  • ADDISON´S DISEASE
  • KIDNEY TRANSPLANT (ígrætt nýra)
  • EPILEPSY ALZHEIMERS 

Ofnæmi fyrir

  • PENICILLIN
  • LATEX
  • FISH
  • PEANUTS

Dæmi um lyfja- eða hjálpartækjanotkun

  • Anticoagulation (blóðþynning)
  • Takes corticosteroids (notar barkstera)
  • Insulin dependent diabetes (sykursýki)
  • Implanted defibrillator (hjartarafstuðtæki)
  • Implanted pacemaker (með gangráð)
  • Knee prosthesis (gervihné)

Fullkomin trúnaður

Allar upplýsingar á vaktstöðinni eru trúnaðarmál og eru þær aðeins látnar af hendi við þann sem hefur MedicAlert númer merkisberans.


Þegar merki hefur verið gefið út er merkisbera sent afrit af skráðum upplýsingum og hann beðinn að yfirfara þær.


Áríðandi er að merkisberi láti vita um allar breytingar svo upplýsingar séu ávallt réttar.


Í gagnagrunninum eru ítarlegri upplýsingar en eru grafnar í merkið sjálft.



Ef þörf er á fær merkisberi nýtt nafnspjald og málmplötu á kostnaðarverði. Merkisberar geta alltaf sent inn leiðréttingar ef við á.