Uppskrift mánaðarins

 

Laxabollur

20 stk. – Má frysta 


Efni: 


300 gr. þorskflak roðlaust
1 laxflak (125 gr.) roðlaust
½ lítill laukur (25 gr.)
1 egg
1 eggjahvíta
1 matsk. hveiti
3 matsk. kartöflumjöl
1,5 dl. mjólk
1,5 tsk. salt
Hvítur pipar
1 matsk. olía eða annað fituefni 

Aðferð:
 

1. Þorskflakið skorið í lítil stykki, bein fjarlægð ef einhver eru.
2. Laxflakið skorið í lítil stykki
3. Laukurinn flysjaður og skorinn, ekki mjög smátt.
4. Fiskur og laukur sett í matvinnsluvél, ásamt öðru efni og allt keyrt saman, þar til farsið er jafnt, en ekki of stíft.
5. Fiskfarsið látið standa í kæli í um hálfa klukkustund.
6. 20 fiskbollur mótaðar úr farsinu og þær steiktar á hvorri hlið í olíunni í um 6-8 mínútur.
7. Fjarlægðar straks af pönnunni þegar þær eru steiktar. 


Meðlæti: 


Laxabollurnar má bera fram með ýmsu meðlæti t.d. köldu kartöflusalati, einnig má bera pasta, tómatsósu og grænmeti með.
Kaldar laxabollur eru tilvaldar sem álegg á rúgbrauð. Einnig má setja hakkaðar ferskar kryddjurtir t.d. dill eða blaðlauk í farsið, 1-2 matsk. kapers er líka gott að hakka gróft og setja saman við
Í staðinn fyrir þorsk og lax má nota 400 gr. þorsk eingöngu eða 1 pk. frosið fiskhakk. 


Uppskriftin er þýdd úr bókinni “Fisk – let og godt”, sem gefin er út af Samtökum sykursjúkra í Danmörku. 


Samkvæmt henni er innihald í einni laxabollu: 

Orka ………………200 kJ
Kolvetni ………….. 2 g
Fita ……………….. 2 g