Diabetes.is

[helga61]

Er einhverstaðar til upplýsingar fyrir svona gamalmenni til að meta kolvetni versus það magn af insúlíni sem þarf fyrir máltíðir.

Það á að fara setja mig alfarið á sprautur þoli ekki sykursýkislyf í töfluformi lengur, sprauta mig núna með grunninsúlíni en nú þegar ég á að fara sprauta mig alfarið þá væri gott að fá hugmyndir um hvernig fólk tekur á þessu gagnvart insúlín/matur.

vonandi skiljið þið mig
kær kv. Helga
_________________
Helga Auðunsdóttir
Sykursýki II - 2004

[Elín]

Það er mjög misjafnt milli manna hversu mikið insúlín hver og einn þarf á móti matnum. Þetta veltur allt á brennslu í líkamanaum, insúlín næmi, stungustaðurinn getur líka haft áhrif.

Ég myndi ráðfæra mig við lækninn um lyfjaskammta, fá að tala við næringarráðgjafa og svo bara mæla mæla mæla mæla, fyrir mat og einum og hálfum tíma eftir mat.

Til að byrja með myndi ég skrá niður hversu mikið ég væri að borða af kolvetnum, það eru upplýsingar um hvar er hægt að finna næringartöflur á netinu inni á síðunni diabetes.is í mataræði. Mér finnst nauðsynlegt að vita hvað ég er að borða af kolvetnum til að hafa lyfjagjöfina sem nákvæmasta. Með því að skrifa niður kolvetnamagnið og eingafjöldan í bland við hversu há þú ert í sykri fyrir mat og svo mæla aftur eftir mat þá er mögulegt að finna út hversu mikið þarf. En svo er alltaf eitthvað sem getur haft áhrif á blóðsykurinn s.s hreyfing, streita, veikindi og fleira.

Gangi þér rosa vel í að finna út úr þessu og endilega vertu dugleg að nýta þér fræðslu hjá fagfólki
_________________
_______________________________________
með bestu kveðju

Elín